PUEBLU INTEGRASE EN CONVOCATORIA PER ASTURIES
Nel añu 2015 cuando se formó Pueblu fizose nutriéndose de los partíos políticos y persones con idees progresistes que quixeren sumase al proyectu , y dende entós pasaron 8 años, nos qu’en mayor o menor midida , consiguimos influyir na política municipal, actuando siempres dende la oposición y con una forma de facer política siempres propositiva y siempres dispuesta a llegar alcuerdos, poniendo siempres en valor lo que se consigue y valorando si lo consiguío , ye o non abondu para roblar esos alcuerdos, procurando siempres nun poner llínees coloraes.
Esa ye la forma qu’entendemos debe de faceses política , si la ciudadanía quixera que tou se fixera al nuesu gustu , daríanos la mayoría abonda para ello.
Cuando a Pueblu plantegóse-y la posibilidá de confluyir con otres fuerces progresistes na coalición Convocatoria per Asturies, viniéronnos a la memoria los nuesos empiezos, equí nun fixera falta Convocatoria per Ribesella/Ribeseya, porque eso ye *Pueblu, de fechu la llista que va dir a les elecciones por Convocatoria va ser la mesma que Pueblu presentó . Pero nun podemos dexar pasar la oportunidá d’amosar qu’hai que pasar de la visión particular d’una determinada fuerza política a una visión de conxuntu , en bien de la xente , de lo colectivo .
El protocolu robláu dexa bien clara la independencia de Convocatoria per Ribesella/RIbeseya, a la de defender los intereses locales percima d’otros, asina damos esti pasu col *convencimiento de que va ser lo meyor para el futuru de Ribesella/Ribeseya.
Siguimos siendo Pueblu!!!!
PUEBLU PRESENTA LA SO CANDIDATURA A LES MUNICIPALES
Na mañana del sábadu 11 de marzu de 2023 presentóse la candidatura de l’Agrupación d’Electores Pueblu a les elecciones locales de mayu próximu . L’actu, con bon númberu de persones participantes, tuvo conducíu por Luis Posada, que na so intervención inicial destacó l’actitú siempres propositiva de Pueblu, asina como’l trabayu realizáu, con rigor, y minuciosidá, que fai , que siempres se tea en disposición d’apurrir meyores al día ente día municipal.
Nel actu intervinieron tamién Beatriz Sordo, Ramón Cerra (Monchu) y Ricardo Cangas (Richard), númberos 3, 2 y 1 de la candidatura respeutivamente, que coincidieron na necesidá de la presencia de Pueblu na institución, los llogros consiguíos dende la oposición y sobremanera , la oportunidá que se presenta de cara a les próximes elecciones, de que con mayores responsabilidaes, poder implementar más d’estes actuaciones.
La candidatura, que se rellaciona de siguío, foi finalmente refrendada por unanimidá poles persones presentes.
- Ricardo Cangas García
- Ramón Cerra Prieto (Monchu)
- Beatriz Sordo Martino
- Carmen Codesal Menéndez
- Andrea Díaz Martínez
- Álvaro Santa Cruz Del Saz-Orozco
- Pilar Cerra Sierra
- José Ángel Valle Hidalgo
- Amanda Márquez Alonso
- Guillermo González Collado
- Izaskun Marcos Yesa
- Inmaculada Coro Pérez
- Luis Armando Capín (Pirri)
RESERVES
- Arantxa Bulnes Peón
- Javier Martínez González
- Carmen Gonzalo Capín
- Enol Cueto Mier
RIOSELLANES ILUSTRES
Queremos dende estes llínees felicitar al equipu de gobiernu riosellanu, pola iniciativa de crear la ruta de Les Muyeres Riosellanes. Agora aprovecháu’l trabayu yá realizáu, vamos propone-yos qu’actualicen la páxina web municipal.
La páxina municipal, na pestaña dedicada a la hestoria del conceyu tien de la mesma dos entraes una pal Puertu de Ribeseya y otra pa Riosellanos Ilustres.
Nesta última’l títulu Riosellanos Ilustres, nun ye frutu del xenéricu masculín, que s’empeña la RAE que puede usase pa dambos sexos, ye lliteral pos nella namá se noma a homes. Agora que paez que yá sabemos que les muyeres tamién fueron importantes na hestoria del nuesu conceyu, pensamos que sería bonu recoyelo, na qu’a día de güei va ser la primer ventana que daquién que quiera visitanos va a abrir
L’APARCAMIENTU N’ALTURA
Nel últimu plenu, espunximos les nueses duldes sobro’l proyectu d’aparcamientu n’altura que al paecer tien l’equipu de gobiernu local. Dicimos al paecer, porque hasta la fecha nun tenemos nenguna información oficial al respective, más allá de lo que se va filtrando a la prensa, anque dalgunos siéntanse ofendíos poles entrugues y aportunan en que yá lo esplicaron una y mil vegaes. Nel vídeu adxuntu puede vese l’estractu del plenu nel que s’aldericó l’asuntu.