EL GOBIERNU RIBESEYANU INCUMPLE LOS ALCUERDOS RELATIVOS A LA PERIODICIDÁ DE LES SESIONES PLENARIES

El llabor de la oposición en cualquier institución democrática ye imprescindible pa poder exercer un control y fiscalización vital pal bon funcionamientu de la mesma.

El problema surde cuando dende les mesmes instituciones o quiciabes dende les persones que les dirixen non yá nun se facilita esi llabor, que sería lo deseable, sinón que se busca enzancar no posible que se exerza esi control.

Dichu esto, vamos esplicar lo asocedío nel Conceyu de Ribadesella/Ribeseya.

Nel Plenu de organización celebráu el 19 de xunetu de 2023 llegose al siguiente alcuerdu sobro la periodicidá de les sesiones plenaries y el so horariu de celebración que algamó la unanimidá na votación per parte de los grupos municipales.

“PRIMERU.- Alcordar que el Plenu del Conceyu de Ribeseya celebre sesión ordinaria l’últimu miércoles non festivu de cada mes, sacante los meses de avientu y agostu que nun se celebrará, a les 20 hores.

SEGUNDU.- La Alcaldía por motivos de organización, porque sía festivu o se incluya en un periodu vacacional el día alcordáu, o por la so cercanía a acontecimientos relevantes va poder adelantrar o retrasar hasta en una selmana la celebración de el plenu ordinariu.

Por cuenta de FITUR, el Plenu correspondiente a el mes de xineru va poder adelantrase, retrasase hasta dos selmanes o fundise con el correspondiente a el mes de febreru por la Alcaldía.”

Llegaos a esti puntu, convócasenos a un Plenu ordinariu el 7 de febreru de 2024, que, anque en el encabezamientu de el mesmu puede lleese:

“PRIMERO.- Convocar sesión plenaria ordinaria correspondiente a los meses de xineru y febreru, pa el día 07/02/2024 a les 20:00 hores…”

El señor alcalde referiose a esi encabezamientu como Plenu ordinariu de xineru, y nun esclarió que les sos intenciones pasaben por nun convocar el Plenu de febreru, hasta que Pueblu riquió-y pa ello.

Ante la non convocatoria de comisiones previes al Plenu, que tendría de celebrase según el alcuerdu el 28 de febreru, Pueblu preguntó vía mensaxe de whatsapp por la fecha de celebración del mesmu, contestósenos por la mesma vía confirmándonos la intención de nun convocar esi Plenu ordinariu y col siguiente calendariu pal mes de marzu:

• 7 de marzu, 8:00 comisiones de Plenu estraordinariu.
• 14 de marzu, 8:00 comisiones de Plenu ordinariu y Plenu estraordinariu.
• 20 de marzu, 20:00 Plenu ordinariu.

Ye por ello que Pueblu – Convocatoria por Ribeseya quier faer les siguientes considerancies:

1. Esti calendariu previstu pal mes de marzu  pa la celebración de plenos y comisiones, vulnera l’alcuerdu plenariu tomáu el 19 de xunetu de 2023, antes referíu.
2. En dichu alcuerdu fai referencia a la posibilidá de un cambéu estraordinariu por una continxencia temporal (FITUR), que fadría posible fundir el plenu de xineru col de febreru, pero non pa aplicala cuando yá nun esiste dicha continxencia, dau que se celebró Plenu ordinariu el 7 de febreru, y lo que se pretende en llugar de fundir el Plenu de xineru con el de febreru, ye faelo al revés, cuando amás nun esiste motivu pa nun convocar el Plenu.
3. Per otru llau, a el pretender sustituyir el Plenu ordinariu por unu estraordinariu, que nun inclúi les posibilidaes de “Encamientos y entrugues” y de “Mociones”, ta limitándose’l llabor de la oposición, pos se nos furta’l derechu y la obligación que tenemos pa llevar a cabu la nuesa xera de control y fiscalización del Gobiernu municipal al plantegar mociones y entrugues que afecten a la ciudadanía.
4. A día de güei, entá nun sabemos el conteníu de les materies a tratar nel Plenu estraordinariu del día 14 de marzu, ye de suponer que sía sobre los presupuestos económicos del añu 2024, lo que fai que nos paeza entá más grave. Celebrar un Plenu de esi calibre (quiciabes el de mayor trescendencia añal) un xueves a les 8 de la mañana, imposibilita o siquier enzanca descomanadamente, la presencia de la ciudadanía y el so derechu a la información, anque quiciabes esi sía el motivu. Cabo destacar que, na web municipal pese al derechu de información que tien la ciudadanía, la última acta publicada ye la del Plenu de 19 de xunetu de 2023, dende entós hasta agora yá se celebraron seis plenos más. Amás, la celebración de el Plenu a esa hora enzanca la asistencia pa quien, formando parte de la Corporación, nun perciben retribuciones per parte de el Conceyu, más allá de les dietes por asistencia a los órganos colexaos, y tienen que cumplir con una xornada llaboral.
5. Lo habitual siquiera hasta esta llexislatura yera que, anque l’alcaldía tien la potestá de variar la fecha de la sesión plenaria una selmana antes o dempués, esta variación consensuárase pa facilitar la conciliación de los deberes públicos y la xornada llaboral de quien formamos parte de la Corporación, cosa que tampoco se fixo en esta ocasión.
6. Tou fuera tan senciellu como celebrar en tiempu y forma el Plenu de febreru e intentar consensuar la fecha de el 20 de marzu pal de marzu —yá que’l 27 ye’l miércoles de Selmana Santa— y retrasar a ésti l’alderique presupuestariu —si ye que va a esti Plenu estraordinariu del 14 de marzu— pos yá dempués del retrasu de trés meses, habida cuenta de que entá funcionamos con el presupuestu prorrogáu de 2022, nun paez un problema mui grave, que se retrase una selmana más.

Por tou ello queremos encamentar al Equipu de Gobiernu del Conceyu de Ribadesella/Ribeseya a que reconsidere la so postura.