PUEBLU presenta una moción pal curiáu, difusión y cumplimientu de la toponimia oficial vixente nel conceyu Ribeseya

El grupu municipal de PUEBLU, argumenta una esmoleceora falta de respetu al cumplimientu del Decretu 46/2010 de 18 de mayu, pol que s`afiten los topónimos oficiales nel conceyu de Ribeseya.

Ye por esti motivu por el que PUEBLU pretende llevar a plenu una moción que garantice el curíau, difusión y cumplimentu de la lexislación vixente no referíu al emplegu de la toponimia oficial en base a los siguientes aspectos:

-El compromisu d`esparder y dignificar los topónimos oficiales de Ribeseya, aprebaos nel Decretu 46/2010 pa asina dar debíu cumplimiento a la Llei 1/98 d`Usu y Promoción del Bable/Asturianu.

-El compromisu nel emplegu por parte del consistoríu d`esta nomenclatura oficial en tola documentación y señalización que se xenere (correspondencia, señales urbanes, planos, guíes, padrón municipal, páxines web, bandos, permisos…)

-Adoptar les midíes alministratives de la so competencia, asina como instar a les alministraciones autonómica y estatal pa que la toponimia oficial seya respetada en tola documentación y señalítica xenerada por estes.

-Notificar fehacientemente al INE (Institutu Nacional d`Estadística) cuala ye la toponimia oficial d`esti conceyu pa que se temoen les midíes afayaizes pa que nes sos bases de datos apaeza la toponimia oficial.

-Tomar les midíes afayaices pa que los trabayaores conozan y respeten los topónimos oficiales del conceyu, recordando, si ficiera falta que la llei ha cumplise ensembre, y non de manera opcional.

-Guetar nel marcu de la normativa de ayudes del Principáu d`Asturies, la cofinanciación y ayudes necesaries pa llevar a bon puertu toles midies anteriores.